鵪鶉蛋好高膽固醇？ 為鵪鶉蛋平反！
早幾日見到老爸, 佢好似發現新大陸咁話我知 “原來孖B鍾意食鵪鶉蛋! 我烚幾隻, 佢地食晒!”
我沒好氣, “爸, 其實我都好鍾意食鵪鶉蛋咖! 不過我細個你唔俾我食, 話鵪鶉蛋膽固醇高, 唔健康之嘛!”
老爸馬上繼續同孖B玩, 扮聽唔到.
我一家都是好蛋之徒, 無論大人, 小朋友, 甚至工人姐姐, 都每日起碼一隻蛋或以上. 小時侯特別愛吃鵪鶉蛋, 細細粒好可愛, 蛋黃多過蛋白, 無論白烚或任何煮法都好味.
無奈坊間流傳話鵪鶉蛋含有高膽固醇, 仲高過雞蛋, 食幾粒已經膽固醇超標, 應儘量少吃云云.
長大後唔忿氣, 上網搜尋鵪鶉蛋的營養, 發現無論新鮮的雞蛋, 鴨蛋, 鵪鶉蛋, 以100克來計, 營養價值都是差不多. 一隻中型蛋約50克, 約7克蛋白質, 含70卡路里. 而一隻鵪鶉蛋, 約10克, 1.3克蛋白質, 含16卡路里.* 計落, 其實咪差唔多, 食5隻鵪鶉蛋等於一隻雞蛋.
至於膽固醇, 美國於2015年已經取消了每天膽固醇攝取上限, 而且蛋的營養價值豐富, 我成日都話, 想健康的朋友, 戒油鹽糖, 戒咩都好, 儘量唔好戒蛋, 因為實在體積少少, 營養俱全. (素食人士和對蛋敏感的朋友除外).
又: 邊D蛋最安全? 梗係跟住 Vitargent 水中銀 最新雞蛋測試的安全名單去選購啦~~
https://bit.ly/2rgYcHA
*資料來源: 食物安全中心
Twin Stars Choi
#鵪鶉蛋 #雞蛋
#膽固醇
#營養師 #Nutritionist #AnnieLee
Search